Category: Marathi

कधीही कळले नाहीत तुजला,
शब्दांमधले गर्भित भाव.
माझ्या हरेक श्वासामधूनी,
दडले आहे तुझेच नाव.

आयुष्याच्या वाटेवर चालताना
कुठलंसं वळण येतं
मागचं सारं मागे सोडत
नवीन जग समोर येतं….

दुसऱ्याला दाखवताना
कधी त्यालाही वाटते,
माझेही प्रतिबिंब
कुणी मला दाखवावे.

पावसाची पहिली सर येताच आठवते तुझे हसू,,
जवळ तू नाहीस बघून डोळ्यात दाटतात आसू….

—-|||—-

बाहेर लागलीये पावसाची झड,
उसंत नाही कायम झरझर.
संध्येच्या या धुंद एकांतात,
मनात बरसतेय आठवांची सर.

—-|||—-

कुंद धुंद एकांत हा,
विरहाचा सोबती,
गुलाबी थंड वर अन,
एकटा मी एकांती.

—-|||—-