झड

 

बघ वाढली बाहेर
आज पावसाची झड,
तुझ्या आठवांनी सये
मन झाले माझे जड.

आठवांनी त्या क्षणांच्या
वेचले जे तुझ्यासवे
दोन विहिरी डोळ्यांच्या
बघ भरती आसवे.

आला विचार हा मनी
पण सवाल हा पडे,
पावसाच्या काळ्या मेघा
धाडावे का तुझ्याकडे?

निश्चयाची खूण मग
माझ्या मनाशी बांधून,
धाडतो त्या मेघाला मी,
हाच निरोप घेऊन…..

 

Image Credit : Omkar Paranjpe

You may also like

Leave a Reply

Your email address will not be published. Required fields are marked *