ओळखलत का काका मला थाटात आला कोणी,
डोक्यावरती गांधी टोपी अंगावरती खादी.

क्षणभर हसला नंतर बसला, बोलला वरती पाहून,
आपलंच घर आहे म्हणून बोलतो जरा बसून.

आलं मनात यावे एकदा दिल्लीवारी करून,
म्हणूनच बघतोय काका मी इलेक्शन ही लढवून.

कामं तुमची सांगा फक्त करून टाकू फटाफट,
मतं फक्त जरा तुमची पडू द्या टपाटप.

इलेक्शन नंतरच्या कामांचा देतो खास आश्वासन,
मला निवडून दिलात तर येणार नाही फ्रस्ट्रेशन.

शेक ह्यांड साठी हात देत हसत हसत बोलला,
लक्षात असू द्या काका तुमचं मत फक्त मला.